پاکستان کے نجی چینل کے شو میں کامیڈین رؤف لالہ کو فنکارہ حمیرا علی کی بے عزتی پر سوشل میڈیا میں شدید تنقید کا سامنا ہے۔

رئیلٹی شو 'تماشہ گھر' کی نئی قسط میں دیکھا جاسکتا ہے کہ رؤف لالہ حمیرا کو چیخ چیخ کر کہہ رہے ہیں کہ وہ ایک عورت کہلائے جانے کے لائق بھی نہیں ہے۔

سوشل میڈیا صارفین نے کامیڈین کے ریمارکس کو سخت توہین آمیز قرار دیتے ہوئے انہیں شو سے فوری طور پر باہر نکالنے کا مطالبہ کیا ہے۔

صارفین نے شو کے میزبان عدنان صدیقی کو بھی آڑے ہاتھوں لیتے ہوئے انہیں رؤف لالہ کا طرف دار قرار دیا ہے۔