گھر پیارا گھر تھائی باشندے نے صرف 6 ہزار ڈالر میں مکان تیار کرلیا

اگر گھر کی تزئین و آرائش کے اخراجات بھی شامل کیے جائیں تو یہ مکان انھیں 9 ہزار ڈالر ہے۔ فوٹو:فائل

---

اپنے گھر کا خواب ہر شخص دیکھتا ہے مگر اس کی تعبیر خوش نصیبوں کو ہی حاصل ہوتی ہے مگر تھائی لینڈ میں ایک شخص نے صرف 6 ہفتوں میں 6 ہزار ڈالر خرچ کرکے اپنا گھر تیار کرلیا۔

بتایا گیا ہے کہ سٹیوآرین اپنے ایک دوست حجر جبران سے ملنے اس کے گھر گئے جہاں اپنے مکان کی بات چھڑ گئی جس پر اس کے دوست اور ان کی اہلیہ نے اسے اپنے آم کے باغ میں گھر تعمیر کرنے کی دعوت دیدی۔ اسٹیو کا کہنا تھا کہ پہلے تو میں نے انکار کیا مگر اپنے دوست کے اصرار پر ان کی بات مانتے ہوئے چھے ہفتے کی محنت کے بعد صرف چھے ہزار ڈالر خرچ کرکے اپنا گھر تعمیر کرلیا۔

اسٹیو کا کہنا ہے کہ اگر اس کی تزئین و آرائش کے اخراجات بھی شامل کیے جائیں تو یہ مکان انھیں 9 ہزار ڈالر میں پڑا ہے ۔ سٹیو کا کہنا تھا کہ وہ ایسا ہی ایک اور گھر تعمیر کرنا چاہتے ہیں مگر اس مرتبہ وہ اس سے بہتر اینٹوں اور دیگر تعمیراتی سامان کا استعمال کریں گے۔