سندھ میں پیپلز پارٹی کے وزرا کا جوتوں سے استقبال ہو رہا ہے شیخ رشید

پی ڈی ایم ہی نہیں، ن اور پی پی پی میں بھی رسہ کشی شروع ہوگئی ہے، شیخ رشید (فوٹو فائل)

---

عوامی مسلم لیگ کے سربراہ شیخ رشید احمد نے کہا ہے کہ سندھ میں پاکستان پیپلز پارٹی کے وزرا کا استقبال جوتوں سے کیا جا رہا ہے۔

 

pic.twitter.com/YBh7UPx6ep

- Sheikh Rashid Ahmed (@ShkhRasheed) September 20, 2022

سماجی رابطے کی ویب سائٹ ٹوئٹر پر جاری بیان میں شیخ رشید نے کہا کہ لندن میں شہباز شریف کی نہیں سنی گئی اوراسےgrillکیا گیا۔ انہوں نے کہا کہ پی ڈی ایم ہی نہیں، ن اور پی پی پی میں بھی رسہ کشی شروع ہوگئی ہے۔

سابق وزیر داخلہ نے مزید کہا کہ جو سیلابی ریلےسےبچ گئےہیں وہ وبائی ریلےمیں پھنس گئے۔سندھ میں پی پی پی کے وزرا کا استقبال جوتوں سےہورہا ہے۔نہ باہرسے امداد آئی،نہ اندرسےپیشرفت ہوئی۔عمران خان بہانہ تھا، اپنےکیسز ختم کراناتھا۔

شیخ رشید کا ایک دوسرے ٹوئٹ میں مزید کہنا ہے کہ آقاؤں نےغلاموں سےکام لےکرانہیں نکال دیناہے۔آٹا، بجلی اور پٹرول ان کی ضمانت ضبط اورسیاست ختم کردےگا۔حکومت نام کی کوئی چیزنہیں، میڈیا میڈیا کھیل رہے ہیں۔

انہوں نے کہا کہ 70غیرآئینی وزرا میں سے 20 بےمحکمہ ہیں۔آج ہائی کورٹ میں ان کے خلاف رِٹ دائرکروں گا۔سپریم کورٹ سےنیب ترمیم کالعدم،اوورسیزکوووٹ کاحق ملےگا۔