وزیراعظم سے امریکی نمائندہ خصوصی برائے ماحولیاتی تبدیلی جان کیری کی ملاقات

دونوں رہنماؤں نے موسمیاتی تبدیلی کے اثرات اور مابین دلچسپی کے امور پر تبادلہ خیال کیا

---

وزیراعظم شہباز شریف سے امریکی نمائندہ خصوصی برائے ماحولیاتی تبدیلی جان کیری نے نیویارک میں ملاقات کی ہے۔

 

Prime Minister Muhammad Shehbaz Sharif meets John Kerry, Special Envoy of the USA for Climate Change, on the sidelines of #UNGA77#PMPakatUNGA pic.twitter.com/bfUtHUonR2

- Prime Minister's Office (@PakPMO) September 21, 2022

وزیراعظم آفس کی جانب سے جاری بیان کے مطابق دونوں رہنماؤں کے مابین سائیڈ لائن ملاقات نیو یارک میں جاری اقوام متحدہ کی جنرل اسمبلی کے 77 ویں اجلاس کے موقع پر ہوئی۔ بیان کے مطابق وزیراعظم شہباز شریف اور امریکی نمائندہ خصوصی جان کیری نے موسمیاتی تبدیلی کے اثرات اور دونوں ممالک کے مابین دلچسپی کے دیگر امور پر تبادلہ خیال کیا۔ امریکی نمائندہ خصوصی نے ملاقات کے بعد اپنے ٹوئٹر بیان میں کہا کہ وزیراعظم شہباز اور میں نے پاکستان میں آنے والے سیلاب اور اس کی تباہ کاریوں سے متعلق تبادلہ خیال کیا ہے۔ انہوں نے کہا کہ امریکا کی جانب سے بحران سے نمٹنے کے لیے 55 ملین ڈالر کی انسانی امداد روانہ کی جا چکی ہے۔

.@CMShehbaz and I discussed Pakistan's devastating floods, the $55 million in US humanitarian assistance thus far, and the urgent need to work together to fight the climate crisis and prevent future tragedies. My heart goes out to the affected communities and the Pakistani people pic.twitter.com/tLMX1xK1gm

- Special Presidential Envoy John Kerry (@ClimateEnvoy) September 21, 2022

جان کیری نے اپنے بیان میں مزید کہا کہ موسمیاتی تبدیلیوں اور اس کے نتیجے میں درپیش چیلنجز سے نمٹنے کے لیے مشترکہ جدوجہد کرنے کی ضرورت ہے۔ انہوں نے پاکستانی عوام اور سیلاب متاثرین کے لیے نیک تمناؤں کا اظہار کرتے ہوئے سیلاب کی تباہ کاریوں پر افسوس کا اظہار بھی کیا۔