سپریم کورٹ پی ٹی آئی ارکان اسمبلی کے استعفوں کی منظوری کی درخواستیں خارج

عدالت عظمیٰ نے تحریک انصاف کے ارکان اسمبلی کے استعفوں کی منظوری کی درخواستیں معاملہ غیر مؤثر ہونے کی بنیاد پر خارج کردیں۔


ایکسپریس نیوز کے مطابق ن لیگ کے سابق رہنما ظفر علی شاہ اور وحید کمال نے پی ٹی آئی کے استعفوں کی منظوری کے لیے 2015ء میں درخواستیں دائر کیں تھیں۔ دوران سماعت وکیل حامد خان نے عدالت کو بتایا کہ استعفوں کا معاملہ 2013ء کی اسمبلی سے متعلق ہے۔ 2013 کی اسمبلی معیاد 2018ء میں ختم ہو چکی ہے۔

چیف جسٹس نے ریمارکس دیے کہ پھر تو یہ معاملہ ہی غیر مؤثر ہوگیا۔ عدالت نے استعفوں کی منظوری کی درخواست غیر موثر ہونے پر خارج کردی۔