معروف بھارتی کامیڈین راجو شری واستو طویل علالت کے بعد چل بسے

58 سالہ کامیڈین اداکار راجوشری واستو کو دِل کا دورہ پڑنے کے بعد اسپتال میں داخل کروایا گیا تھا

ویب ڈیسک September 21, 2022

راجو 1980 کی دہائی کے آخر سے شوبز انڈسٹری سے منسلک تھے(فائل فوٹو)

بھارتی ٹی ویژن اور فلموں کے معروف کامیڈین اداکار راجو شری واستو طویل علالت کے بعد انتقال کر گئے۔

58 سالہ کامیڈین اداکار راجوشری واستو کو دِل کا دورہ پڑنے کے بعد اسپتال میں داخل کروایا گیا تھا، جہاں وہ ایک ماہ کی طویل علالت کے بعد آج انتقال کر گئے ہیں۔

وہ جِم میں ورزش کرتے ہوئے اچانک گِر گئے تھے طبیعت بگڑنے پرراجوشری واستو کو دہلی کے مقامی اسپتال میں داخل کروایا گیا تھاجہاں اُسی دن ان کی انجیو پلاسٹی بھی کی گئی تھی۔

RIP Raju Bhai 💔 pic.twitter.com/RfnAMh1hFN

- sonu sood (@SonuSood) September 21, 2022

تاہم طویل علالت کے بعد آج لیجنڈری کامیڈین انتقال کر گئے، ان کی موت پر سونو سود اور اجے دیوگن سمیت بھارتی انڈسٹری کے کئی نامور اداکار افسوس کا اظہار کر رہے ہیں، راجوشری واستو بھارت کے سب سے کامیاب اِسٹینڈ اپ کامیڈین میں سے ایک تھے۔

In your lifetime you gifted us laughs & more laughs, on & off the screen. Your untimely demise makes me very sad. RIP Raju. 🕉 Shanti. May the Almighty give your family strength in this hour of bereavement 🙏 pic.twitter.com/RWG6AcHrid - Ajay Devgn (@ajaydevgn) September 21, 2022

یاد رہے کہ راجو نے 1980 کی دہائی کے آخر سے شوبز انڈسٹری سے منسلک تھے تاہم ''گریٹ انڈین لافٹر چیلنج" کے پہلے سیزن میں حصہ لینے کے بعد اِن کی مقبولیت میں اضافہ ہوا تھا جس کے بعد وہ کئی فلموں میں بھی لیڈ نگ کردار ادا کرتے نظر آئے۔