سیلاب زدہ علاقوں میں ڈاکٹروں کی قلت سندھ حکومت نے پنجاب سے مدد مانگ لی
خط میں 10 ڈسٹرکٹس کیلئے مجموعی طور پر 380 ڈاکٹرز اور پیرا میڈیکل اسٹاف بھیجنے کی درخواست کی گئی ہے
سیلابی صورتحال اور بیماریوں کے باعث ڈاکٹرز کی کمی کے پیش نظر سندھ حکومت نے سیلاب زدہ اضلاع کےلئےپنجاب سے ہنگامی بنیادوں پر مختلف ماہرین امراض (ڈاکٹرز) مانگ لئے ہیں۔
ایکسپریس نیوز کے مطابق محکمہ صحت سندھ کی طرف سے پنجاب حکومت کو مدد کے لئے خط لکھ دیا گیا ہے، خط میں کراچی، بدین، لاڑکانہ، میرپور خاص، خیرپور، جیکب آباد،قمبر، دادو، سانگھڑ، جامشورو اور دیگر شہروں کے لئے ڈاکٹرز اور پیرا میڈیکل اسٹاف بھیجنے کی درخواست کی گئی ہے ۔
محکمہ صحت کی طرف سے لکھے گئے خط میں بتایا گیا ہے کہ صوبے کی 10 ڈسٹرکٹس کیلئے مجموعی طور پر 380 ڈاکٹرز اور پیرا میڈیکل اسٹاف درکار ہے۔