کراچی کے علاقے کورنگی میں فائرنگ سے سب انسپکٹر جاں بحق اہلکار زخمی

مقتول سب انسپکٹر انور جعفری سابق ایس ایچ او اور کرائم برانچ میں بھی تعینات رہے،پولیس فوٹو: رائٹرز/فائل

---

کراچی کے علاقے کورنگی ڈھائی نمبر میں گاڑی پر فائرنگ سے سب انسپکٹر انور جعفری جاں بحق جبکہ ساتھی اہلکار زخمی ہوگیا۔

ایکسپریس نیوز کے مطابق کورنگی ڈھائی نمبر میں دو موٹرسائیکلوں پر سوار 4 مسلح ملزمان نے ایک گاڑی پر فائرنگ کردی جس کے نتیجے میں سب انسپکٹر انور جعفری جاں بحق جبکہ ساتھی اہلکار زخمی ہوگیا۔ پولیس کے مطابق سب انسپکٹر انور جعفری کرائم برانچ میں تعینات تھے اور سابق ایس ایچ او بھی رہ چکے تھے۔

انور جعفری لانڈھی،کورنگی اور عوامی کالونی کے تھانوں میں اسٹیشن ہاؤس آفیسر کے فرائض انجام دے چکے تھے جبکہ انور جعفری کو سیاسی رہنما کے قتل کیس میں جیل بھی ہوچکی تھی۔