وزیراعظم ہاؤس کی مبینہ آڈیوز لیک مریم نواز کے داماد کیلیے لندن سے پاور پلانٹ منگوانے کا انکشاف

ن لیگ کے اجلاس کی مبینہ آڈیو بھی وائرل، پی ٹی آئی ارکان اسمبلی کے استعفوں کی حتمی منظوری لندن سے لیے جانے پر مشاورت (فوٹو : فائل)

---

سوشل میڈیا پر مبینہ طور پر وزیراعظم ہاؤس کی متعدد آڈیو لیک ہوئی ہیں جن میں پی ٹی آئی کے ارکان اسمبلی کے استعفوں کی منظوری لندن سے لیے جانے، مریم نواز کے داماد کے لیے بھارت سے پاور پلانٹ منگوانے جیسے انکشافات ہوئے ہیں۔

ایکسپریس نیوز کے مطابق وزیراعظم ہاؤس کی کئی آڈیو لیک ہوئی ہیں جن میں مختلف انکشافات کیے گئے ہیں، ایک آڈیو وزیراعظم اور کسی اعلیٰ آفیسر کی ہے، دوسری آڈیو وزیر اعظم ، رانا ثناء اللہ ، ایاز صادق اور کسی اعلی آفیسر کی ہے جب کہ تیسری آڈیو مریم نواز کی ہے۔

پی ٹی آئی رہنما فواد چوہدری کی جانب سے ٹویٹر پر شیئر کرائی گئی ایک آڈیو میں مبینہ طور پر وزیر اعظم شہباز شریف کو اعلی آفیسر بتا رہے ہیں کہ ‏مریم صفدر نے بھارت سے اپنے داماد کے لیے پاور پلانٹ منگوانے کے لیے سفارش کی، آدھا پاور پلانٹ انڈیا سے آگیا ہے اور آدھا باقی ہے۔

اعلیٰ آفیسر نے بتایا کہ یہ اہم معاملہ ہے، وزیر اعظم کے رشتہ دار ہونے کے ناطے شور پڑ جائے گا، یہ بات پہلے ای سی سی اور بعدازاں وفاقی کابینہ میں جائے گی تو معاملہ گلے پڑ جائے گا۔

وزیراعظم شہباز شریف نے کہا کہ ترکی سے واپسی پر مریم سے خود بات کروں گا۔ اعلیٰ آفیسر نے تجویز دی کہ یہ معاملہ اسحاق ڈار پر چھوڑ دیں وہ کرلیں گے، پہلے بھی ایک گاڑی انہوں نے اس طرح کی تھی۔

Putting Pakistan’s National Security at risk : New leaked call reveals Shahbaz Sharif being pressurised by Maryam Nawaz to release industrial machinery against policy, while importing a plant from India pic.twitter.com/5XMGBQxDnu

— Dr. Iftikhar Durrani (@IftikharDurani) September 24, 2022

اعلیٰ آفیسر نے کہا کہ مریم صاحبہ نے دوسرا کام اتحاد ٹاؤن کے لیے گرڈ اسٹیشن کا کہا ہے، جس پر شہباز شریف نے کہا کہ یہ کام روٹین میں ہوجائے گا سب کرتے ہیں۔

Conversation amongst Azam Tarrar, Rana Sanaullah, Ayaz Sadiq, Kh Asif and PM on PTI resignations https://t.co/6t3Ldozr2R

— Ch Fawad Hussain (@fawadchaudhry) September 25, 2022

اسی طرح دوسری آڈیو لیک ہوئی جو کہ وفاقی کابینہ کی لگتی ہے جس میں تحریک ارکان کے ‏مستعفی ارکان سے متعلق حتمی منظوری لندن سے لیے جانے پر مشاورت کی گئی۔ وائرل آڈیو میں اعظم تارڑ، رانا ثناء اللہ، ایاز صادق، خواجہ آصف اور وزیراعظم کے درمیان گفتگو ہوئی ہے۔

اس اڈیو میں مریم کہتی ہے کہ میں "اس" کی بہت احسان مند ہوں، وہ میاں عامر کے تھرو میری مرضی کی خبر لگواتا بھی ہے، بند بھی کرواتا ہے. میرے بچوں کی طرح میرے ساتھ کھڑا ہے

یہ کون ہو سکتا؟

https://t.co/7e6nun70uh

— Musa Virk (@MusaNV18) September 24, 2022

اس آڈیو میں ن لیگ کے لیڈرز پی ٹی آئی کے بعض استعفوں کو قبول کرنے پر حکمت عملی ڈسکس کر رہے ہیں۔ اسی طرح تیسری آڈیو بھی سامنے آئی ہے جو کہ مبینہ طور پر مسلم لیگ (ن) کی نائب صدر مریم نواز کی ہے جس میں وہ کہتی ہیں کہ میں اس شخص کی بہت احسان مند ہوں جو میری مرضی کی خبر لگواتا ہے اور بند بھی کرواتا ہے۔