ڈان 3 میں امیتابھ شاہ رخ  اور رنویر کے ایک ساتھ نظر آنے کا امکان

ڈان تھری میں رنویر سنگھ کو بھی کامیو اداکاری کا موقع ملے گا، فوٹو: فائل

---

بالی وڈ کی مشہور زمانہ فلم 'ڈان' کی تیسری قسط کے لیے شاہ رخ خان، امتیابھ بچن اور رنویر سنگھ کے اسکرین پر ایک ساتھ نظر آنے کا امکان ہے۔

فلم شائقین 'ڈان 3' کے بے چینی سے منتظر ہیں اور فلم ڈائریکٹر فرحان اختر کے اسکرپٹ پر دوبارہ کام کرنے کی خبر سامنے آنے کے اس کی کاسٹ کے بارے میں سوشل میڈیا پر قیاس آرائیوں کا بازار بھی گرم ہے۔

1978 میں ریلیز ہونے والی پہلی قسط میں امیتابھ بچن جبکہ دوسری میں شاہ رخ خان نے مرکزی کردار ادا کیا تھا اور اب فرحان اختر تیسرے قسط میں دونوں کو لانے کا ارادہ رکھتے ہیں۔

میڈیا رپورٹ کے مطابق شاہ رخ خان نے حال ہی میں ڈائریکٹر کے دفتر کا دورہ کیا جہاں انہیں فلم کا اسکرپٹ دکھایا گیا اور وہ راضی نہیں ہوئے۔

شاہ رخ خان کے ڈان کے کردار کی ذمہ داری رنویر سنگھ کو سونپی جائے گی تاکہ وہ مستقبل میں مشہور کردار ادا کر سکیں۔