دبئی میں غریبوں کے لیے مفت روٹی کی مشینیں لگا دی گئیں

مخیر حضرات مفت روٹی فراہم کرنے کے لیے رقم فراہم کرتے ہیں:فوٹو:سوشل میڈیا

---

دنیا کے امیر شہروں میں شامل دبئی میں غریبوں کے لیے مفت روٹی فراہم کرنے والی مشینیں لگا دی گئیں۔

غیرملکی خبرایجنسی کی رپورٹ کے مطابق دبئی کی سپر مارکیٹس میں غریبوں کو مفت روٹیاں فراہم کرنے والی 10 مشینیں لگا دی گئیں۔ ان مشینوں پر ' روٹی سب کے لیے' کی عبارت درج ہے۔

روٹی حاصل کرنے کے خواہش مندوں کے لئے اسکرین پر مختلف روٹیوں مثلا چپاتی اور پٹا بریڈ کے آپشنز موجود ہیں۔ جس کو جو روٹی کھانی ہے وہ آپشن پر کلک کرے اورگرم گرم روٹی مشین سے باہر آجاتی ہے۔

دبئی میں غریبوں کے لیے مفت روٹی کی مشینیں

دنیا بھر میں مہنگائی میں اضافے کے ساتھ، دبئی جیسے امیر شہر میں غریبوں کے لیے مفت گرم روٹی کی تقسیم کی مشینیں متعارف کرائی گئی ہیں۔ دبئی جو اپنی تقریباً تمام خوراک درآمد کرتا ہے، بڑھتی ہوئی مہنگائی سے متاثر ہوا ہے۔
 #dubai #Bread pic.twitter.com/LfuysfIqUm

— VOA Urdu (@voaurdu) September 27, 2022

مفت روٹی کی فراہمی کے لئے مخیر حضرات کریڈٹ کارڈ کے ذریعے ادائیگی کرتے ہیں۔ دبئی کے حکام کا کہنا ہے کہ کھانے پینے کی اشیا مہنگی ہونے کے بعد مفت روٹی کی سہولت مزدور طبقے کے لئے فائدے مند ثابت ہوگی۔