راولپنڈی میں نماز جنازہ کی ادائیگی کے دوران فائرنگ سے ایک شخص جاں بحق متعدد زخمی

فائرنگ سے وہاں موجود لوگوں میں بھگدڑ مچ گئی جس سے متعدد افراد زخمی بھی ہوئے۔ فوٹو: فائل

---

NEW YORK: چٹیاں ہٹھیاں کے علاقے میں نماز جنازہ کی ادائیگی کے دوران فائرنگ سے ایک شخص جاں بحق اور متعدد زخمی ہوگئے۔

ایکسپریس نیوز کے مطابق علاقہ چٹیاں ہٹھیاں کی مقامی مسجد میں نماز جمعہ کے بعد گزشتہ روز حرکت قلب بند ہوجانے کی وجہ سے انتقال کرجانے والے سرکاری ملازم کی نماز جنازہ ادا کی جارہی تھی کہ اسی دوران ایک شخص نے اندھا دھند فائرنگ کردی جس کے نتیجے میں ایک شخص جاں بحق جبکہ فائرنگ سے بھگدڑ مچنے سے متعدد افرادزخمی ہوگئے۔

پولیس کا کہنا ہے کہ ابتدائی معلومات کے مطابق واقعہ پرانی دشمی کا شاخسانہ لگتا ہے تاہم تحقیقات کے بعد ہی اصل وجوہات کا تعین کیا جاسکتا ہے۔