شارٹ بالز کو پاکستانی بیٹرز کا مسئلہ قرار نہیں دیا جاسکتا معین علی

پانچویں ٹی20 میں انگلینڈ کی بیٹنگ مایوس کن رہی، انگلش کپتان

ویب ڈیسک September 29, 2022

(فوٹو: پی سی بی) پانچویں ٹی20 میں انگلینڈ کی بیٹنگ مایوس کن رہی، انگلش کپتان

پاکستان کے دورے پر آئی انگلش کرکٹ ٹیم کے کپتان معین علی اعتراف کیا کہ پانچویں ٹی20 میچ پاکستانی بولرز نے ہوم کنڈیشنز کا بہتر استعمال کرکے میچ جیتا۔

لاہور میں میچ کے اختتام پر میڈیا سے گفتگو کرتے ہوئے انگلینڈ کے کپتان معین علی نے کہا کہ انگلینڈ کی بیٹنگ مایوس کن رہی، ہمیں یہ میچ جیتنا چاہیے تھا۔
انہوں نے کہا کہ شارٹ بالز کو پاکستانی بیٹرز کا مسئلہ قرار نہیں دیا جاسکتا، پاکستانی ٹیم نے ہوم کنڈیشنز کا بہتر استعمال کیا اور کامیابی سمیٹی۔

مزید پڑھیں: پانچواں ٹی20؛ پاکستان نے انگلینڈ کو 6 رنز سے شکست دے دی

معین علی کا مزید کہنا تھا کہ میچ ہارنے کے باوجود کھلاڑیوں پر کوئی پریشر نہیں تاہم اب بھی موقع ہے بقیہ دونوں میچز جیت کر سیریز جیتنے کی کوشش کریں گے۔

انگلش کپتان نے کہا کہ پاکستان کے خلاف کپتانی کا چیلنج قبول کرتے ہوئے ورلڈکپ کی تیاری کا اچھا موقع ملا۔