بھارت میں پاکستان کا آفیشل ٹوئٹر اکاؤنٹ ایک بار پھر غیر فعال

حکومت پاکستان کا آفیشل ٹوئٹر اکاؤنٹ معطل کرنے کا انکشاف بھارتی میڈیا نے کیا:فوٹو:سوشل میڈیا

---

بھارت نے حکومت پاکستان کا آفیشل ٹویٹر اکاؤنٹ ایک مرتبہ پھر غیر فعال کردیا۔

بھارتی میڈیا رپورٹس کے مطابق بھارت میں پاکستانی حکومت کے آفیشل اکاؤنٹ کو غیرفعال کردیا گیا۔ بھارت میں حکومت پاکستان کے آفیشل اکاؤنٹ پرلکھا گیا ہے کہ اکاؤنٹ کو کچھ قانونی تقاضوں کے باعث غیر فعال کیا گیا ہے۔

Pakistan government's Twitter account withheld in India, again

Read @ANI Story | https://t.co/eQhAo8VXTF#TwitterAccount #Pakgovttwitter #Accountwitheld pic.twitter.com/FPtEwTQnBJ

— ANI Digital (@ani_digital) October 1, 2022

بھارتی میڈیا کا کہنا ہے کہ گزشتہ چند مہینوں میں حکومت پاکستان کا آفیشل ٹوئٹر اکاؤنٹ معطل ہونے کا یہ دوسرا واقعہ ہے۔ بھارتی حکومت نے رواں سال جولائی میں بھی حکومت پاکستان کا ٹوئٹر اکاؤنٹ غیر فعال کیا تھا جسے بعد میں ایکٹو کردیا گیا۔

ٹوئٹر اکاؤنٹ غیر فعال کیے جانے پر وزارت خارجہ کا ردعمل ابھی سامنے نہیں آیا۔