من پسند جگہ پر تبادلہ نہ ہونے پر انسپیکٹر کا سینئر خاتون آفیسر پر تشدد
پولیس نے خاتون آفیسر پارس زبیر کی درخواست پر مقدمہ درج کرلیا
من پسند جگہ پر تبادلہ نہ ہونے پر انسپیکٹر انفورسمنٹ نے نشہ کی حالت میں سیینئر خاتون آفیسر کو تشدد کا نشانہ بنانا ڈالا۔
واقعہ گزشتہ شام پیش آیا جہاں راوی زون سے متعلقہ انسپیکٹر انفورسمنٹ واصف ایوب بٹ نشہ کی حالت میں زونل آفیسر پارس زبیر کے دفتر داخل ہوا اور عملہ کی موجودگی میں ناصرف خاتون آفیسر پر حملہ کیا بلکہ جان سے مار دینے کی دھمکیاں دیتا رہا۔
خاتون آفیسر پارس کے سر سے ڈوپٹہ اتار کر تھپڑ رسید کیے جبکہ عملہ نے بیچ بچاؤ کرتے ہوئے ڈپٹی ایم او آر راوی ٹاؤن پارس زبیر کو بچایا۔ اس دوران، ملزم واصف ایوب خاتون آفیسر کا سرکاری ریکارڈ بھی اٹھا کر اپنے ساتھ لے گیا۔
پولیس نے خاتون آفیسر پارس زبیر کی درخواست پر مقدمہ درج کرلیا۔