اے این ایف کی کارروائی2 ملزمان کے پیٹ سے ہیروئن بھرے کیپسول برآمد

کیپسولز سے مجموعی طورپر 682 گرام ہیروئن برآمد ہوئی

ویب ڈیسک October 04, 2022

منشیات اسمگل کرنے کی کوشش کرنے والے افراد کو گرفتار کرلیا گیا،اے این ایف:فوٹو:ایکسپریس نیوز

اسلام آباد انٹرنیشنل ائیرپورٹ پر اے این ایف نے منشیات بیرون ملک اسمگل کرنے کی کوشش ناکام بناتے ہوئے 2 ملزمان کو گرفتار کرلیا۔

اے این ایف نے اسلام آباد انٹرنیشنل ائیرپورٹ کر کارروائی کرتے ہوئے منشیات بیرون ملک اسمگل کرنے کی کوشش کرنے والے 2 افراد کو گرفتار کرلیا۔

اے این ایف کے مطابق دوحہ جانے والے ملزم کے پیٹ سے ہیروئن سے بھر 87 کیپسول برآمد کرلیے۔ کیپسولز سے مجموعی طور پر 682 گرام ہیروئن برآمد ہوئی۔

دوسری جانب شارجہ جانے والے ملزم کے پیٹ سے 58 ہیروئن سے بھرے کیپسولز برآمد ہوئے۔کیسپولز سے 472 گرام ہیروئن برآمد ہوئی۔

پشاور کے باچہ خان انٹرنیشنل ائیرپورٹ پرشارجہ جانے والے مسافر کےٹرالی بیگ سے 3کلو آئس برآمد ہوگئی۔ ملزمان کو گرفتار کر کے انسداد منشیات ایکٹ کے تحت مقدمات درج کرلیے گئے۔ مزید تحقیقات جاری ہیں۔