اسرائیلی فوج کی فائرنگ سے 3 نہتے فلسطینی شہید متعدد زخمی

اسرائیلی فوجیوں نے احتجاج کرنے والے فلسطینیوں پر بھی اندھا دھند فائرنک کر دی جسکے نتیجے میں 2 مزید فلسطینی شہید ہو گئے۔ فوٹو: اے ایف پی/فائل

---

اسرائیلی فوج نے مقبوضہ فلسطین کے علاقے مغربی کنارے میں فائرنگ کر کے 3 نہتے فلسطینیوں کو شہید اور متعدد کو زخمی کر دیا۔

غیر ملکی خبر رساں ایجنسی کے مطابق صیہونی فوجیوں گزشتہ رات مقبوضہ مغربی کنارے پر واقع پناہ گزین کے کیمپ میں ایک گھر پر دھاوا بول کر ایک نہتے فلسطینی کو فائرنگ کر کے شہید کر دیا، صیہونی جارحیت کے خلاف سیکڑوں فلسطینیوں نے احتجاج کے لئے سڑکوں پر نکل آئے، اسرائیلی فوجیوں نے احتجاج کرنے والے فلسطینیوں پر بھی اندھا دھند فائرنک کر دی جس کے نتیجے میں 2 مزید فلسطینی شہید اور متعدد زخمی ہو گئے۔

واضح رہے کہ مقبوضہ فلسطین میں اسرائیلی جارحیت میں اب تک ہزاروں کی تعداد میں نہتے فلسطینیوں کو شہید اور سیکڑوں کو زخمی کر چکے ہیں۔