تربت میں فورسز پر فائرنگ جوابی کارروائی میں 5 شرپسند ہلاک 8 گرفتار

فورسز نے تربت کے علاقے پیدارک میں شرپسندوں کی موجودگی کی اطلاع پرکارروائی کی۔ فوٹو: فائل

---

سیکیورٹی فورسز کے سرچ آپریشن کے دوران مسلح تصادم کے نتیجے میں 5 شرپسند ہلاک جبکہ متعدد کو گرفتار کرلیا گیا ہے۔

ایکسپریس نیوز کے مطابق سیکیورٹی ذرائع کا کہنا ہے کہ ہفتے کی صبح فورسز نے تربت کے علاقے پیدارک میں شرپسندوں کی موجودگی کی اطلاع پر سرچ آپریشن کیا۔ اسی دوران نامعلوم افراد نے فائرنگ کردی، فورسز کی جوابی کارروائی میں 5 افراد ہلاک ہوگئے جبکہ 8 کو گرفتار کرکے ان کے قبضے سے اسلحہ برآمد کرلیا گیا ہے۔

کارروائی کے دوران ہلاک اور گرفتار ہونے والے افراد تربت میں سیکیورٹی فورسز پر حملوں کے کئی واقعات میں ملوث بتائے جارہے ہیں تاہم اب تک ان کی شناخت ظاہر نہیں کی گئی۔