بھارتی سیاستدان کی عوام میں مرغی اورشراب کی بوتل بانٹنے کی ویڈیو وائرل

بھارت میں ایک سیاستدان کی جانب سے عوام میں مرغی اور شراب کی بوتل باٹنے کی ویڈیو وائرل ہوگئی۔

بھارتی ریاست تلنگانہ کے ایک سیاستدان نے لوگوں کو ووٹ دینے پر راضی کرنے کے لئے تہوار کے موقع پر مرغی اورشراب کی بوتلیں بانٹ دیں۔ سوشل میڈیا پرمرغی اور شراب بانٹنے والے سیاستدان کی ویڈیو وائرل ہوگئی۔

سیاستدان کی اس حرکت کو سوشل میڈیا صارفین نے کڑی تنقید کا نشانہ بنایا۔ ایک ریٹائرڈ سرکاری افسر نے ویڈیو شئیر کرتے ہوئے لکھا کہ مرغی اور شراب کی بوتل میں بکتی بھارت کی جمہوریت۔ ایک اورصارف نے کہا انتخابات سے پہلے کھانے پینے کی اشیا بانٹتے سیاستدانوں کو تو دیکھا تھا لیکن اس طرح کھلے عام شراب کی بوتل اور مرغی تقسیم ہوتے پہلی بار دیکھا ہے۔