ایک اور آڈیو لیک عمران خان کے ہارس ٹریڈنگ میں ملوث ہونے کا انکشاف

آڈیو میں عمران خان ارکان قومی اسمبلی کو خریدنے کی بات کررہے ہیں

---

چیئرمین تحریک انصاف عمران خان کی آڈیو لیک ہوگئی جس سے ان کے ہارس ٹریڈنگ میں ملوث ہونے کا انکشاف ہوا ہے۔

ملک میں اہم شخصیات کی آڈیو لیکس کا سلسلہ جاری ہے۔ عمران خان کی تیسری آڈیو لیک ہوگئی۔

عمران خان کہہ رہے ہیں ایسا مت سوچیں کہ سب ختم ہوگیا، 48 گھنٹے بہت اہم ہیں، بڑی چیزیں ہورہی ہیں اور میں کئی چالیں چل رہا ہوں۔

یہ بھی پڑھیں: آڈیو لیکس؛ سائفر سے متعلق عمران خان کی ایک اور آڈیو منظرعام پر

عمران خان نے کہا کہ 5 ارکان قومی اسمبلی (ایم این ایز) تو میں خرید رہا ہوں، وہ بڑے اہم ہیں، اس کو کہیں کہ اگر وہ پانچ اور لے دے، دس ہوجائیں تویہ گیم ہمارے ہاتھ میں ہے۔

عمران خان خود بہت بڑا ہارس ٹریڈر نکلا pic.twitter.com/AL3NffPUX5

— team_bilawal (@NEWS_BILAWAL) October 7, 2022

عمران خان نے کہا کہ کوئی پرواہ نہیں کیا صحیح ہے کیا غلط۔ ہر حربہ آزماؤں گا، میں نے میسیج دیناہے، اس وقت قوم الارم ہوئی ہے لوگ چاہ رہے ہیں کہ کسی طرح سے ہم جیت جائیں، ایک ایم این اے بھی اگر کوئی توڑ لیتا ہے تو بہت فرق پڑے گا۔