ایشوریا رائے کی 4 سال بعد اسکرین پر واپسی فلم نے باکس آفس پر دھوم مچادی

ایشوریا نے 4 سال بعد ایک مرتبہ پھر بڑی اسکرین پر انٹری دی ہے

ویب ڈیسک October 08, 2022

ایشوریہ رائے کی یہ فلم 30 ستمبر کو ریلیز ہوئی(فائل فوٹو)

بالی ووڈ کی کوئین ایشوریا رائے کی فلم 'پونین سیلون:1' نے ریلیز ہوتے ہی باکس آفس پر کروڑوں کا بزنس کرلیا۔

بھارتی میڈیا رپورٹ کے مطابق دنیا بھر میں کروڑوں مداحوں کے دلوں پر راج کرنے والی خوبرو اداکارہ ایشوریا نے 4 سال بعد ایک مرتبہ پھر بڑی اسکرین پر اپنی نئی فلم پونین سیلون 1 کے زریعے انٹری دی ہے۔

معروف بھارتی ہدایت کار منی رتنم کی ہدایتکار ی میں بننے والی یہ فلم 30 ستمبر کو ریلیز ہوئی تھی جو کہ ریلیز کے پہلے ہی ہفتے میں دنیا بھر سے325 کروڑ کا بزنس کرتے ہوئے باکس آفس پر ہٹ رہی۔

ایشوریا کی اس فلم کو بالی ووڈ کی اب تک کی تیسری سب سے زیادہ بزنس کرنے والی فلم قرار دیا جارہا ہے۔

یہ فلم تمل زبان میں لکھا جانے والے ناول 'پونین سیلون 1' پر فلمائی گئی ہے جوکہ بھارت کے ایک عظیم بادشاہ 'راجا چولا' کی زندگی پر مبنی ہے۔

پونین سیلون کا لقب تمل عوام نے راجا راجا چولا کو دیا تھا جن کے خاندان 'چولا' نے 9ویں صدی سے 13ویں صدی تک تمل سرزمین پر راج کیا۔