لاہور کوریئر کمپنی کے ملازم بن کر وارداتیں کرنے والے ڈکیت پکڑے گئے

سی آئی اے ڈیفنس نے ملزمان کو سی سی ٹی وی فوٹیج کی مدد سے گرفتار کیا

---

صوبائی دارالحکومت میں کوریئر کمپنی کے ملازم بن کر وارداتیں کرنے والے ملزمان گرفتار کرلیے گئے۔

ایکسپریس نیوز کے مطابق سی آئی اے ڈیفنس کے ہاتھوں حراست میں لیے گئے 4 ڈکیت کوریئر کمپنی کے نمائندے بن کر خالی گھروں میں گھس کر وارداتیں کرتے تھے، جن کی شناخت سی سی ٹی وی فوٹیج کی مدد سے ممکن ہو سکی۔

انچارج سی آئی اے ڈیفنس کے مطابق ملزمان سے لاکھوں روپے مالیت کے طلائی زیورات، نقدی،لیپ ٹاپ، غیر قانونی اسلحہ برآمدکرلیا گیا ہے جب کہ ملزمان نے دوران تفتیش 27 وارداتوں کا اعتراف بھی کیا ہے۔