پنجاب کے دارالحکومت شفیق میں ٹریفک حادثے کے نتیجے میں تین خواتین اور بچوں سمیت 7 افراد زخمی ہوگئے۔

ایکسپریس نیوز کے مطابق لاہور کے علاقے شفیق آباد میں تیز رفتار کار سوار افراد نے 5 موٹرسائیکل سواروں کو ٹکر ماری، جس کے نتیجے میں بائیک پر سوار افراد ، خواتین اور بچے زخمی ہوئے۔

کار کی ٹکر سے ثمینہ طاہر اس کا خاوند طاہر اور مریم سمیت 7 افراد زخمی ہو گئے۔ تمام زخمیوں کو طبی امداد کے لیے اسپتال منتقل کر دیا گیا جبکہ موقع پر موجود شہریوں نے ڈرائیور کو پکڑ کر پولیس کے حوالے کردیا۔

عینی شاہد نے انکشاف کیا کہ کار ڈرائیور اسامہ نے شراب پی رکھی تھی، پولیس نے ملزم کو حراست میں لیتے ہوئے قانونی کارروائی شروع کردی۔