ہندوانتہاپسند بی جے پی نے مسلمانوں کے معاشی قتل کی کال دے دی

بی جے پی کے رکن اسمبلی نے سپورٹرز سے مسلمانوں کے معاشی بائیکاٹ کا حلف بھی لیا:فوٹو:فائل

---

بھارت کی ہندوانتہاپسند حکمراں جماعت بی جے پی نے مسلمانوں کے معاشی بائیکاٹ کی کال دے دی۔

بھارتی دارالحکومت نئی دہلی میں ہندوانتہاپسند جماعت بی جے پی کے رکن پارلیمنٹ پرویش سنگھ ورما نے ہندوؤں کو مسلمانوں کا معاشی بائیکاٹ کرنے کی کال دے دی۔

بی جے پی کے مسلمان دشمن رکن پارلیمنٹ نے ریلی سے خطاب کرتے ہوئے ہندوؤں سے کہا کہ وہ مسلمانوں کے ٹھیلوں اور دکانوں سے سبزیاں اوردیگراشیا خریدنا بند کردیں۔ مسلمانوں کو کام کی مزدوری بھی نہ دی جائے۔

BJP Delhi MP tells a crowd at a VHP event that the only ‘ilaj’ for India’s Muslim is for their shops abs restaurants to be boycotted and that they not be hired for any work pic.twitter.com/OQRQuAE4vN

— omar r quraishi (@omar_quraishi) October 10, 2022

بی جے پی رکن نے مزید ہرزہ سرائی کرتے ہوئے کہا کہ مسلمانوں کو سبق سکھانے اور درست کرنے کے لئے ان کا معاشی بائیکاٹ بہت ضروری ہے۔ اس نے مجمع سے مسلمانوں کا معاشی بائیکاٹ کرنے کا حلف بھی لیا۔

سوشل میڈیا پر بی جے پی کے رکن پارلیمنٹ کی ویڈیو سامنے آنے کے بعد متعدد صارفین نے پولیس سے انتہاپسند رکن اسمبلی کو گرفتار کرنے کا مطالبہ کیا۔