کیوی بیٹر کے زوردار چھکے سے 12 سالہ مداح لڑکی زخمی

زخمی لڑکی کو اسپتال منتقل کیا گیا اوررات بھر نگہداشت کے بعد صبح ڈسچارج کردیا گیا

ویب ڈیسک October 10, 2022

کیوی بیٹر نے میچ جیتنے کے بعد زخمی لڑکی کی خیریت دریافت کی:فوٹو:سوشل میڈیا

بنگلا دیش کے خلاف میچ میں نیوزی لینڈ کے بیٹر کے زوردار چھکے نے 12 سالہ مداح لڑکی کو زخمی کردیا۔

بلیک کیپس ٹوئٹر اکاؤنٹ پرجاری بیان میں کہا گیا ہے کہ کرائسٹ چرچ میں فریقی سیریز کے بنگلا دیش اور نیوزی لینڈ کے میچ کے اٹھارویں اوور میں کیوی بیٹر گلین فلیپس نے شاندار چھکا لگایا جو اسٹیڈیم میں بیٹھی 12 سالہ لڑکی کو لگا۔ زخمی لڑکی کو ابتدائی طبی امداد کے بعد اسپتال منتقل کیا گیا۔

The 12-year-old girl who was struck by a ball at Hagley Oval tonight was lucid and able to sit up as she was assessed by doctors at the ground. She has since been taken to hospital for further checks. pic.twitter.com/NsYLg2WjfD
— BLACKCAPS (@BLACKCAPS) October 9, 2022

لڑکی کے زخمی ہونے سے دونوں کیوی بیٹرز پریشان ہوگئے۔ گلین فلیپس نے ایک اور چھکا لگا کر ٹیم کو فتح دلائی اور اس کے بعد بھاگتے ہوئے زخمی لڑکی کے پاس گئے اور اس کی خیریت دریافت کی۔ زخمی لڑکی کو رات بھر نگہداشت کے بعد پیر کی صبح اسپتال سے ڈسچارج کردیا گیا۔