’لال سنگھ چڈا‘ کا جادو چلنے لگا نیٹ فلکس صارفین کی ہندو انتہاپسندوں پر تنقید

’لال سنگھ چڈا‘ ہالی ووڈ کی مشہور مووی ’فاریسٹ گمپ‘ کا ری میک ہے۔ فوٹو: انسٹاگرام

---

بالی ووڈ سپر اسٹار عامر خان کی فلم 'لال سنگھ چڈا' کا جادو چلنے لگا، نیٹ فلکس صارفین فلم کی تعریف کے ساتھ ساتھ ہندو انتہاپسندوں پر سخت تنقید کرنے لگے۔

نیٹ فلکس صارفین کے مطابق فلم کی سینما گھروں میں ریلیز کے وقت نفرت منطق پر غالب ہو گئی تھی۔

'لال سنگھ چڈا' کو فلم کی سینما ریلیز کے دو ماہ بعد بدھ کے روز نیٹ فلکس پر ریلیز کیا گیا ہے اور صارفین فلم کو بہت زیادہ پسند کررہے ہیں۔

فلم انڈین باکس آفس پر مکمل طور پر فلاپ ہوگئی تھی اور پوری دنیا سے صرف 60 کروڑ انڈین روپے سمیٹ سکی۔

صارفین نے اس بات پر افسوس کا اظہار کیا ہے کہ 'لال سنگھ چڈا' جیسی شاندار فلم کو باکس آفس میں کامیابی نہ ملنا افسوس ناک ہے۔

ایک صارف نے ٹویٹ میں لکھا کہ سیاست نے ہماری ایک کلاسک مووی کو برباد کردیا، ہم ایک اچھا سینما رکھنے کا حق نہیں رکھتے۔

واضح رہے کہ 'لال سنگھ چڈا' ہالی ووڈ کی مشہور مووی 'فاریسٹ گمپ' کا ری میک ہے۔