اعلی نسل کے چوری شدہ گدھے تھر سے کراچی اسمگلنگ کی کوشش ناکام

ایک گدھے کی مالیت پچاس ہزار سے سوا لاکھ روپے تک بتائی جاتی ہے فوٹو: فائل

---

تھرکول بلاک ٹو سے چوری شدہ گدھے کراچی اسمگل کرنے کی کوشش ناکام ہوگئی۔

گدھوں کے مالکان نے مٹھی پولیس کی مدد سے کراچی جانے والے ٹرک کو پکڑلیا۔ ٹرک ڈرائیور کو گرفتار کرکے اعلی نسل کے 24 گدھے برآمد کئے گئے ہیں۔

پولیس کے مطابق ایک گدھے کی مالیت پچاس ہزار سے سوا لاکھ روپے تک بتائی جاتی ہے۔ گدھے تھر کول علاقے سے کراچی بھیجے جارہے تھے، جن کے مالکان نے تعاقب کرکے اطلاع دی۔

تھر سے اب گدھے بھی چوری ہونے لگے اور وہ بھی شاید پبلک پرائیویٹ پارٹنر شپ تحت ہورہا ہے،ٹرین چلنے سے پہلے مزدا بھر کے گدھے بیچے جارہے ہیں۔@BBhuttoZardari@MuradAliShahPPP@HamidMirPAK @etribune#TharBadlaygaPakistan pic.twitter.com/BlZTDbqLEX

— Sajid Bajeer (@BajeerSajid) October 13, 2022

متاثرہ مالکان کا کہنا ہے کہ مویشی اکثر چارے کیلئے تھر کول منصوبے کے علاقے میں چلے جاتے ہیں، جہاں تعینات عملہ گدھے و دیگر مویشی پکڑ لیتا ہے، اس وقت بھی 15 سو گدھے کول کمپنی کے عملے کے پاس قید ہیں۔

گرفتار ٹرک ڈرائیور نے پولیس کو بیان میں بتایا کہ گدھے چوری شدہ ہیں یہ ہمیں معلوم نہیں تھا، کول کمپنی کے تین ملازمین نے گدھے کراچی کے علاقے کلفٹن لیجانے کا کرایہ دیا تھا۔