شاہین سے خود کو صرف بچانا نہیں بلکہ رنز بھی بنانا گمبھیر کا بھارتی ٹیم کو مشورہ

آج آسٹریلوی بورڈ ڈائریکٹرز کوڈ میں ترمیم کے معاملے پر غور کریں گے

Sports Desk October 14, 2022

آج آسٹریلوی بورڈ ڈائریکٹرز کوڈ میں ترمیم کے معاملے پر غور کریں گے (فوٹو: ایکسپریس ویب)

قومی کرکٹ ٹیم کے فاسٹ بولر شاہین شاہ آفریدی بھارت کے سابق کرکٹرز کے اعصاب پر بھی سوار ہوگئے۔

سابق بھارتی اوپنر گوتم گمبھیر اپنی ٹیم کو پاکستانی پیسر سے نمٹنے کے طریقے بتاتے ہوئے کہا کہ ٹی20 ورلڈکپ میں جب شاہین سے سامنا ہو تو صرف خود کو ہی نہیں بچانا بلکہ ان کے خلاف رنز بھی اسکور کرنے ہیں، جب آپ خود کو بچانے کی فکر میں پڑجاتے ہیں تو پھر سب کچھ محدود ہوجاتا ہے۔

انہوں نے کہا کہ ٹی 20 کرکٹ میں آپ صرف خود کو بچانے پر ہی توجہ نہیں دے سکتے، میں جانتا ہوں کہ شاہین گیند کے ساتھ کافی خطرناک ثابت ہوسکتے ہیں مگر بھارتی بیٹرز کے لیے ضروری ہے کہ وہ ان کے خلاف رنز اسکور کریں۔

مزید پڑھیں: کیا شاہین ٹی20 ورلڈکپ کے وارم اَپ میچز کھیلیں گے؟ اعلان ہوگیا

دوسری جانب قومی کرکٹ ٹیم کے فاسٹ بولر شاہین شاہ آفریدی اپنا ری ہیب مکمل کرکے ہفتے کے روز برسبین پہنچیں گے جبکہ 17 اور 19 اکتوبر کو بالترتیب انگلینڈ اور افغانستان کے خلاف شیڈول وارم اپ میچز میں شرکت کے لیے اسکواڈ کا حصہ ہوں گے۔

مزید پڑھیں: ڈاکٹر سہیل سلیم نے شاہین کی ری ہیب کے طریقہ کار پر سوال اٹھادیے

سری لنکا کے خلاف انجری کا شکار ہونے والے فاسٹ بولر شاہین آفریدی کا کہنا تھا کہ قومی اسکواڈ کو دوبارہ جوائن کرنے کے لیے بہت پرجوش ہوں، گزشتہ 10 روز سے روزانہ بغیر کسی درد کے تیز رفتاری سے 6 سے 8 اوورز پھینک رہا ہوں، ری ہیب کا یہ پروگرام بہت سخت اور مشکل تھا۔