ٹی20 ورلڈکپ کپتانوں کا ٹرافی کے ہمراہ فوٹو شوٹ مکمل تصاویر وائرل

کپتانوں کے ہمراہ بابراعظم نے اپنی سالگرہ کا کیک بھی کاٹا

ویب ڈیسک October 15, 2022

کپتانوں کے ہمراہ بابراعظم نے اپنی سالگرہ کا کیک بھی کاٹا (فوٹو: آئی سی سی)

آئی سی سی ٹی20 ورلڈکپ 2022 سے قبل تمام کپتانوں کا فوٹو شوٹ مکمل کرلیا گیا۔

فوٹو شوٹ کے فوری بعد قومی ٹیم کے کپتان بابراعظم نے ورلڈکپ میں شریک تمام ٹیمز کے کپتانوں کے ہمراہ اپنی 28ویں سالگرہ کا کیک کاٹ کر منائی۔

بھارتی کپتان روہت شرما سمیت دیگر کپتانوں نے بابراعظم کو مبارکباد دی اور نیک خواہشات کااظہار کیا، کیک میزبان ملک کے کپتان ایرون فننچ کی جانب سے لایا گیا تھا۔

دوسری جانب آئی سی سی ٹی20 ورلڈکپ کا آغاز کل سے آسٹریلیا میں ہوگا، ایونٹ کے افتتاحی روز گروپ اے کے دو میچز شیڈول ہیں جس میں سری لنکا اور نمیبیا کے درمیان پہلا جوڑ پڑے گا جبکہ نیدرلینڈز اور متحدہ عرب امارات کی ٹیمیں دوسرے میچ میں مدمقابل آئیں گی۔

مزید پڑھیں: کیا بھارتی ٹیم ایشیاکپ 2023 کیلئے پاکستان آنے کو تیار ہے؟

یاد رہے کہ قومی ٹیم ٹی20 ورلڈکپ میں اپنا پہلا میچ روایتی حریف بھارت کے خلاف 23 اکتوبر کو میلبرن میں کھیلے گی۔

واضح رہے کہ ایک سال میں پاکستان اور بھارت کی ٹیمیں تین بار ٹی20 انٹرنیشنل میں مدمقابل آئیں ہیں جہاں قومی ٹیم کا پلڑا بھاری ہے جس نے دو میں کامیابی سمیٹ رکھی ہے۔