پاکستان ٹی20 ورلڈکپ جیتنے کا مضبوط امیدوار ہے سابق ہیڈ کوچ

حارث اور شاداب دیگر ٹیموں کیلئے مشکلات کھڑی کرسکتے ہیں، جیف لاسن (فوٹو: ٹوئٹر)

---

قومی کرکٹ ٹیم کے سابق ہیڈکوچ جیف لاسن کا کہنا ہے کہ بابراعظم اور محمد رضوان کی اوپننگ جوڑی کی بدولت پاکستان ٹی20 ورلڈکپ جیتنے کا مضبوط امیدوار ہے۔

سابق ہیڈکوچ نے اپنے بیان میں کہا کہ پاکستانی ٹیم کے پاس شاہین آفریدی کی صورت میں بہترین بالر موجود ہے جبکہ حارث رؤف اور شاداب دوسرے اینڈ پر لگانا دیگر ٹیموں کیلئے مشکلات کھڑی کرسکتا ہے۔

انہوں نے کہا کہ شاہین آفریدی 140 کلومیٹر فی گھنٹہ کی رفتار سے بالنگ کرتے ہیں جو سوئنگ ہوتی ہے اور بائیں ہاتھ کے بالر کا یارکر اور باؤنسر خطرے کی علامت ہوتا ہے۔

مزید پڑھیں: آئی سی سی ٹی20 ورلڈکپ؛ پاکستان کب کس ٹیم سے ٹکرائے گا؟

جیف لاسن نے کہا کہ اگر بابر اعظم اور محمد رضوان ابتدا میں حریف ٹیم پر دباؤ ڈالتے ہیں تو پاکستان ٹی20 ورلڈکپ جیتنے کا مضبوط امیداوار ہوگا۔

واضح رہے کہ ٹی20 ورلڈکپ میں قومی ٹیم اپنا پہلا میچ روایتی حریف بھارت کے خلاف 23 اکتوبر کو میلبرن میں کھیلے گی۔

یاد رہے کہ گزشتہ ایک سال کے دوران دونوں روایتی حریف پاکستان اور بھارت 3 بار مختصر ترین فارمیٹ میں ایک دوسرے کے مدمقابل آئے ہیں جہاں قومی ٹیم کا پلڑا بھاری رہا ہے۔

Geoff Lawson "Pakistan will have a leftie with swing & genuine speed in Shaheen Afridi. He boasts a Mitchell Starc-like yorker, a threatening bouncer & a knuckleball. Throw in Haris Rauf & put Shadab Khan on at the other end and the combination can bear fruit" #T20WorldCup

— Saj Sadiq (@SajSadiqCricket) October 16, 2022

Former Pakistan Head Coach Geoff Lawson "If Babar Azam and Mohammad Rizwan continue their opening onslaughts Pakistan will be in the frame" #T20WorldCup #Cricket

— Saj Sadiq (@SajSadiqCricket) October 16, 2022