کراچی ایئرپورٹ سے بیرون ملک جعلی دوائیاں اسمگل کرنے والے 2 ملزمان گرفتار

ایف آئی اے نے جناح ایئرپورٹ پر کارروائی کرکے جعلی دوائیاں اسمگل کرنے والے 2 ملزمان کو گرفتار کرلیا۔

ایکسپریس نیوز کے مطابق ایف آئی اے کی ٹیم نے شاہ فیصل اور جمال درانی نامی اسمگلروں کو رنگے ہاتھوں کراچی ایئرپورٹ سے گرفتار کیا، دونوں جعلی دوائیاں فروخت کے لئے ملائیشیا لے جارہے تھے، گرفتاری پر دونوں ملزمان نے کارروائی کرنے والی ایف آئی اے ٹیم کو سنگین نتائج کی دھمکیاں بھی دیں تاہم اہلکاروں نے ان کی ایک نہ سنی اور انہیں جیل منتقل کردیا۔

کاروائی کرنے والی ٹیم میں شامل انسپکٹر لبنیٰ ٹوانہ کا کہنا ہے کہ ملزمان دبئی پولیس کو بھی مطلوب ہیں اور کراچی میں سعید آباد کے رہائشی ہیں۔