ریلوے اسٹیشن پر مسافروں کو لوٹنے والا گروہ گرفتار
ملزمان میں اویس علی، راشد علی اور محمد کامران شامل، ایک ملزم سابقہ ریکارڈ یافتہ ہے، پولیس
ریلوے پولیس نے ملزمان کو رنگے ہاتھوں پکڑا (فوٹو فائل)
ریلوے پولیس نے اسٹیشن پر مسافروں کا قیمتی فون اور ہزاروں روپے چھیننے والے 3 چور رنگے ہاتھوں گرفتار کرلیے۔
ایکسپریس نیوز کے مطابق ملزمان نے لاہور ریلوے اسٹیشن پر مسافر سعید خان کے ساتھ پلیٹ فارم نمبر 4 سے لوٹ مار کی۔ ملزمان مسافر کو زد و کوب کرکے اس کا قیمتی سامان چھین کر بھاگ رہے تھے، کہ شور سن کر ریلوے پولیس نے ملزمان کا تعاقب کیا اور اُسے گرفتار کرلیا۔
پولیس کے مطابق ملزمان میں اویس علی، راشد علی اور محمد کامران شامل ہیں، جن کے خلاف تھانہ ریلوے پولیس لاہور میں سب انسپکٹر اشرف علی کی مدعیت میں مقدمہ درج کرلیا گیا ہے۔ ملزمان لاہور کے علاقے بادامی باغ کے رہائشی ہیں، جن میں سے اویس علی سابقہ ریکارڈ یافتہ ہے۔
ایکسپریس نیوز کے مطابق ملزمان نے لاہور ریلوے اسٹیشن پر مسافر سعید خان کے ساتھ پلیٹ فارم نمبر 4 سے لوٹ مار کی۔ ملزمان مسافر کو زد و کوب کرکے اس کا قیمتی سامان چھین کر بھاگ رہے تھے، کہ شور سن کر ریلوے پولیس نے ملزمان کا تعاقب کیا اور اُسے گرفتار کرلیا۔
پولیس کے مطابق ملزمان میں اویس علی، راشد علی اور محمد کامران شامل ہیں، جن کے خلاف تھانہ ریلوے پولیس لاہور میں سب انسپکٹر اشرف علی کی مدعیت میں مقدمہ درج کرلیا گیا ہے۔ ملزمان لاہور کے علاقے بادامی باغ کے رہائشی ہیں، جن میں سے اویس علی سابقہ ریکارڈ یافتہ ہے۔