شاہین کے یارکر نے افغان اوپنر کو اسپتال پہنچادیا

بیٹر کو متبادل کھلاڑی میدان سے باہر چھوڑ کر آیا

ویب ڈیسک October 19, 2022

بیٹر کو متبادل کھلاڑی میدان سے باہر چھوڑ کر آیا (فوٹو: انٹرنیٹ)

قومی کرکٹ ٹیم کے فاسٹ بولر شاہین شاہ آفریدی نے ٹی20 ورلڈکپ سے قبل وارم اپ میچ میں افغان بیٹر رحمان اللہ گرباز کو یارکر مار کر اسپتال پہنچا دیا۔

افغانستان کے خلاف وارم اپ میچ میں شاہین آفریدی نے افغان اوپنرز حضرت اللہ ززئی اور رحمان اللہ گرباز کو بیک فٹ پر کردیا تھا، اس دوران فاسٹ بولر نے ایک یارکر کروائی جو بیٹر کے پاؤں پر جالگی جس کے باعث وہ شدید تکلیف میں دیکھائی دیے جبکہ امپائر نے انہیں آؤٹ قرار دیا تھا۔

افغان کرکٹر کے علاج کے لیے فزیو فوری طور پر گراؤنڈ میں آئے تاہم گرباز کو چلنے میں مشکل درپیش تھی جس کے باعث انہیں متبادل فیلڈر نے میدان سے باہر لے جایا گیا۔

مزید پڑھیں: پاکستان اور افغانستان کا وارم اپ میچ بارش کے باعث ادھورا رہ گیا

رحمان اللہ گرباز کو بائیں پاؤں کے سکین کے لیے قریبی اسپتال پہنچادیا ہے، جس کے بعد انکی انجری کے حوالے سے اپ ڈیٹ دی جائے گی۔

دوسری جانب ٹی20 ورلڈکپ کے سپر 12 مرحلے میں افغانستان کو اپنا پہلا میچ انگلینڈ کے خلاف کھیلنا ہے۔

مزید پڑھیں: ٹی20 ورلڈکپ؛ آسٹریلیا کا اہم کھلاڑی انجری کا شکار ہوگیا

واضح رہے کہ وارم اپ میچ میں افغانستان پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 154 رنز بنائے تھے جبکہ شاہین آفریدی اور حارث رؤف نے 2،2 وکٹیں حاصل کی تھیں۔

ہدف کے تعاقب میں پاکستان کے اوپنرز نے 2.2 اوورز میں 19 رنز بنائے تھے تاہم مسلسل بارش کی وجہ سے کھیل روک دیا گیا تھا۔