سچن ٹنڈولکر نے اپنی 4 سیمی فائنلسٹ ٹیموں کا اعلان کردیا

پاکستانی ٹیم بھارت کو ہرانے کی صلاحیت رکھتی ہے، سابق کرکٹر (فوٹو: ٹوئٹر)

---

بھارت کے لیجنڈری کرکٹر سچن ٹنڈولکر نے آئی سی سی ٹی20 ورلڈکپ میں اپنی 4 سیمی فائنلسٹ ٹیموں کا اعلان کردیا۔

برطانوی اخبار ٹیلی گراف کو دیئے گئے انٹرویو میں سابق لیجنڈری کرکٹر سچن تنڈولکر نے کہا کہ روہت شرما کی قیادت میں بھارتی ٹیم بابرالیون کو ٹی20ورلڈکپ میں شکست دے گی تاہم پاکستانی ٹیم میں بھارت کو ہرانے کی صلاحیت موجود ہے۔

ٹی20 ورلڈکپ جیتنے کا مضبوط دعویدار کون ہے؟ کے سوال پر انکا کہنا تھا کہ چاہتا ہوں بھارت چیمپئین بنے تاہم پاکستان، آسٹریلیا اور انگلینڈ مضبوط امیدوار ہیں جبکہ جنوبی افریقہ اور نیوزی لینڈ کی ٹیمیں ڈراک ہارس سمجھی جاسکتی ہیں۔

مزید پڑھیں: 'نمیبیا کا نام یاد رکھنا' : سچن ٹنڈولکر کا سری لنکا کی شکست پر دلچسپ تبصرہ

سچن ٹنڈولکر نے کہا کہ بھارت کے پاس ورلڈکپ جیتے کا موقع ہے اور متوازن سائیڈ ہے البتہ ٹیم کی پرفارمنس کے حوالے سے کافی مطمئن ہوں۔

قبل ازیں سابق کرکٹر نے نمیبیا کی سری لنکا کے خلاف فتح پر بھی دلچسپ ردعمل دیا تھا جو سوشل میڈیا پر کافی وائرل ہوا تھا۔