ٹینس اسٹار ڈونا ویکک ہیلی کاپٹر حادثے کا شکار ہونے سے بال بال بچ گئیں

جب ہم شروع میں ہیلی کاپٹر میں بیٹھے تو بہت گرمی تھی، اس لیے میں نے دروازہ تھوڑا سا کھولا تاکہ ہوا نکل سکے،ٹینس اسٹار۔ فوٹو: سوشل میڈیا

---

کروشیا کی ٹینس اسٹار ڈونا ویکک میکسیکو میں ہیلی کاپٹر میں سفر کے دوران خوفناک حادثے سے بال بال بچ گئیں۔

گواڈالاجارا جانے کیلیے انھوں نے جس ہیلی کاپٹر میں سفر کیا دوران پرواز اس کا دروازہ کھل جانے پر وہ گھبراہٹ کا شکار ہوگئی تھیں، 26 سالہ کھلاڑی بحفاظت منزل تک پہنچ پائیں۔

میڈیا سے گفتگو میں انھوں نے کہ یہ سفر سوائے اس حادثے کے بہت اچھا تھا، یہ بھی دراصل میری غلطی تھی، جب ہم شروع میں ہیلی کاپٹر میں بیٹھے تو بہت گرمی تھی، اس لیے میں نے دروازہ تھوڑا سا کھولا تاکہ ہوا نکل سکے۔ میرا اندازہ ہے کہ میں نے اسے ٹھیک سے بند نہیں کیا تھا۔