عمران خان تاحیات نااہلی سے بچ گئے

آئین کے آرٹیکل 63 ون پی میں کہا گیا ہے کہ کسی منتخب رکن مجلس شوریٰ کی نااہلی وقتی طور پر نافذ العمل ہوگی۔

ثاقب ورک October 21, 2022

آئین کے آرٹیکل 63 ون پی میں کہا گیا ہے کہ کسی منتخب رکن مجلس شوریٰ کی نااہلی وقتی طور پر نافذ العمل ہوگی۔

الیکشن کمیشن نے چیئرمین پی ٹی آئی عمران خان کو آئین کے آرٹیکل 63 ون پی کے تحت نااہل قرار دیاہے۔ 63 ون پی ہے کیا اور اسکے تحت نااہلی کتنی مدت کی ہے۔

آئین کے آرٹیکل 63 ون پی میں کہا گیا ہے کہ کسی منتخب رکن مجلس شوریٰ یعنی ممبر پارلیمنٹ یا صوبائی اسمبلی کی نااہلی وقتی طور پر نافذ العمل ہوگی۔

یہ بھی پڑھیں: الیکشن کمیشن نے عمران خان کو 5 سال کیلئے نااہل قرار دے دیا

اس طرح الیکشن کمیشن فیصلے کے مطابق عمران خان تاحیات نااہلی سے بچ گئے ہیں، کیا عمران خان کی نااہلی 5 سال کے لیے ہے یا موجودہ قومی اسمبلی کی باقی ماندہ مدت کے لیے نا اہل ہوئے ہیں، اسکی تشریح ہونا باقی ہے۔

واضح رہے کہ الیکشن کمیشن نے توشہ خانہ ریفرنس کا فیصلہ سناتے ہوئے پی ٹی آئی چئیرمین اور سابق وزیراعظم عمران خان کو نااہل قرار دے دیا، ان کی قومی اسمبلی کی نشست خالی قرار دے دی ساتھ ہی عمران خان کے خلاف فوج داری کارروائی شروع کرنے کا بھی حکم دے دیا۔