عمران خان کی نااہلی کا فیصلہ عدالت کی ایک پیشی کی مار ہے شیخ رشید

قوم نیب ترمیمی آرڈیننس پر عدالتی فیصلے کی منتظر ہے، شیخ رشید (فوٹو فائل)

---

عوامی مسلم لیگ کے سربراہ شیخ رشید احمد نے کہا ہے کہ عمران خان کی نااہلی کا فیصلہ عدالت کی ایک پیشی کی مار ہے۔

 

رات12:30بجےاسلام آباد کی پولیس نےمیرےاسلام آباد کےگھرپرریڈکیاجبکہ میں لال حویلی میں تھا۔ڈارکی آمد کےبعدپاکستان کی ریٹنگ مائنس سےکم کرکےٹرپلC+دوسری بارگری ہےساری قوم سپریم کورٹ نیب کےترمیمی آرڈینیس پرفیصلےکی منتظرہےالیکشن کی تاریخ کافیصلہ چوک چوراہےمیں ہوگایامیزپر30نومبرسےپہلےہوگا

- Sheikh Rashid Ahmed (@ShkhRasheed) October 22, 2022

سماجی رابطوں کی ویب سائٹ ٹوئٹر پر جاری بیان میں شیخ رشید نے کہا کہ آرمی چیف کاازخود ایکسٹینشن نہ لینےکا فیصلہ خوش آئند ہے۔ ایف اے ٹی ایف کی گرے لسٹ سے نکلنے کا کریڈٹ عمران خان کی حکومت اور سارے اداروں کو جاتا ہے۔

سابق وزیر داخلہ کا کہنا تھا کہ الیکشن کمیشن کی نااہلی کافیصلہ ہائیکورٹ، سپریم کورٹ کی ایک پیشی کی مارہے۔ یہ مبہم ہے، سقم ہےاور غیرآئینی ہے۔جیلوں سے بھاگنے والے عمران کو جیل میں ڈالناچاہتےہیں۔

شیخ رشید نے مزید کہا کہ رات ساڑھے بارہ بجے اسلام آباد کی پولیس نے میرے اسلام آباد کے گھر پر ریڈ کیا جبکہ میں لال حویلی میں تھا۔ڈارکی آمد کے بعد پاکستان کی ریٹنگ مائنس سےکم کرکے ٹرپل C+دوسری بارگری ہے۔

انہوں نے کہا کہ ساری قوم سپریم کورٹ کے نیب کےترمیمی آرڈینیس پر فیصلےکی منتظر ہے۔ الیکشن کی تاریخ کا فیصلہ چوک چوراہے میں ہوگا یا میز پر، 30 نومبر سے پہلے ہوگا۔

دریں اثنا راولپنڈی میں ڈائلائسز سینٹر کا سنگ بنیاد رکھنے کی تقریب کے موقع پر میڈیا سے گفتگو کرتے ہوئے سابق وزیر داخلہ نے کہا کہ ڈائلائسز سینٹر کے لیے 20 کروڑ آگئے، 30 کروڑ مزید دوں گا۔ انہوں نے کہا کہ میڈیکل یونیورسٹی بھی میں نے بنائی، آئی ٹی کی نئی یونیورسٹی بنانا آخری خواب ہے۔ لال حویلی فاطمہ جناح یونیورسٹی کو دے چکا ہوں،اِسے خالی کروانے والے ہماری لاش پر آئیں گے۔

شیخ رشید نے کہا کہ بیک ڈور رابطے درست نہیں ہوتے۔ میری راولپنڈی سے جوڈو کراٹے کی لڑائی نہیں۔ راولپنڈی سے فاصلہ ضرور ہے تعلقات خراب نہیں۔ انتشار اور عدم استحکام ملک کو آگے بڑھنے نہیں دے گا۔الیکشن کی تاریخ دیں، پنجاب، کے پی اسمبلیاں توڑ دیں گے۔ ابھی کھیل شروع نہیں ہوا، ابھی ٹریلر چلا ہے۔ عمران خان کے ساتھ کھڑا ہوں، عمران خان جب کال دے گا پھر ان کو پتا چلے گا۔

الیکشن کمیشن سے عمران خان کی نااہلی کے فیصلے سے متعلق بات کرتے ہوئے شیخ رشید نے کہا کہ 5 میں سے 2 ججز فیصلے پر راضی نہیں تھے، ایک کو بیمار کردیا جب کہ نواز شریف اور عمران خان کی نااہلی زمین آسمان کا فرق ہے۔