کمیونسٹ پارٹی کے اجلاس سے سابق صدر کو زبردستی نکال دیا گیا

ہو جن تاؤ کو زبردستی ہال سے باہر لے جانے کے وقت صدر شی جن پنگ بھی موجود تھے

ویب ڈیسک October 22, 2022

کمیونسٹ پارٹی نے آئینی ترامیم منظور کرلیں جس کے بعد صدر شی کے تیسری مدت کے لیے صدر بننے کی راہ ہموار ہوگئی:فوٹو:سوشل میڈیا

چین کی حکمران جماعت کمیونسٹ پارٹی کے اجلاس سے سابق صدر ہو جن تاؤ کو زبردستی باہر نکال دیا گیا۔

غیرملکی میڈیا کے مطابق چین کے سابق صدر ہوجن تاؤ کمیونسٹ پارٹی کے سالانہ اجلاس میں شریک تھے۔ وہ چین کے موجودہ صدر شی جن پنگ کے ساتھ والی نشست پر بیٹھے ہوئے تھے۔ اس دوران کچھ لوگ آئے اور سابق چینی صدر کو ان کی مرضی کے خلاف باہر لے گئے۔

چینی صدر شی جن پنگ خاموشی سے یہ سب دیکھتے رہے۔ اس واقعہ کے وقت ہال میں کمیونسٹ پارٹی کے دو ہزار سے زائد ارکان موجود تھے۔

China's Communist Party solidifies Xi Jinping's position at core of its leadership pic.twitter.com/Sfk92uyCb8
— TRT World Now (@TRTWorldNow) October 22, 2022

چینی کمیونسٹ پارٹی کے اجلاس میں آئین میں ایسی ترامیم منظور کر لی گئی ہیں جن سے صدر شی جن پنگ کے تیسری مدت کے لیے صدر منتخب ہونے کی راہ ہموار ہوگئی۔ کمیونسٹ پارٹی کے اجلاس کے اختتامی روز دارالحکومت بیجنگ میں انتہائی سخت سیکورٹی اقدامات کیے گئے تھے۔