لاہور میں طالبہ سے اجتماعی زیادتی کے 2 ملزمان گرفتار

ملزمان نے زیادتی کی ویڈیو بناکر لڑکی کو بلیک میل بھی کیا

---

آپریشن ونگ پولیس نے اسلام پورہ کے علاقے میں بروقت کامیاب کارروائی کرتے ہوئے 21 سالہ طالبہ سے اجتماعی زیادتی کے 2 ملزمان گرفتار کرلیے۔

ملزمان نے قرض کی رقم واپس کرنے کے بہانے لڑکی کو بلایا اور ورغلا کر گاڑی میں ساتھ لے گئے جہاں زیادتی کا نشانہ بنایا۔ ایس پی سٹی کے مطابق ملزمان زیادتی کے ساتھ ویڈیو بھی بناتے رہے جس کے ذریعے متاثرہ لڑکی کو ہراساں بھی کر رہے تھے۔

ڈی آئی جی آپریشنز نے واقعے کا نوٹس لیا تھا۔ ملزمان نے شہر سے فرار ہونے کی کوشش کی لیکن پولیس نے انہیں دھر لیا۔ ایف آئی آر میں نامزد ملزمان کی شناخت طلحہ اور حسن کے نام سے ہوئی جنہیں انویسٹی گیشن ونگ کے حوالے کردیا گیا۔

ایس پی سٹی محمد سرفراز ورک نے کہا کہ خواتین کا جنسی استحصال کرنے والے درندے کسی رعایت کے مستحق نہیں۔