غداری کیس کی منتقلی سپریم کورٹ نے خصوصی عدالت کے فیصلے کے خلاف درخواست مسترد کردی

خصوصی عدالت نے 21 فروری کو مقدمہ فوجی عدالت منتقل کرنے کی پرویز مشرف کی درخواست مسترد کر دی تھی۔ فوٹو: فائل

---

سپریم کورٹ نے خصوصی عدالت کے فیصلے کو برقرار رکھتے ہوئے پرویز مشرف کی جانب سے غداری کا مقدمہ آرمی ایکٹ کے تحت فوجی عدالت میں چلانے کی درخواست مسترد کر دی ہے۔

ایکسپریس نیوز کے مطابق سپریم کورٹ نے پرویز مشرف کی جانب سے غداری کا مقدمہ آرمی ایکٹ کے تحت فوجی عدالت میں چلانے کی درخواست اعتراض لگا کر مسترد کر دی ہے۔ سپریم کورٹ کا اپنے فیصلے میں کہنا تھا کہ خصوصی عدالت کے عبوری فیصلے کے خلاف اپیل نہیں کی جا سکتی تاہم خصوصی عدالت کے حتمی فیصلے کے خلاف رجوع کیا جا سکتا ہے۔

واضح رہے کہ گزشتہ روز پرویز مشرف کے وکلاء نے خصوصی عدالت کی جانب سے غداری کا مقدمہ فوجی عدالت منتقل کرنے کی درخواست مسترد کرنے کے فیصلے کے خلاف سپریم کورٹ میں درخواست دائر کی تھی۔ خصوصی عدالت نے 21 فروری کو مقدمہ فوجی عدالت منتقل کرنے کی پرویز مشرف کی درخواست مسترد کر دی تھی۔