انڈونیشیا میں مسلح خاتون کی صدارتی محل میں گھسنے کی کوشش ویڈیو وائرل

انڈونیشیا صدارتی محل میں گھسنے کی کوشش کرنے والی مسلح خاتون کی عمر 20 سال ہے، فوٹو: ٹوئٹر

---

انڈونیشیا میں برقع پوش خاتون نے صدارتی محل میں زبردستی داخل ہونے کی کوشش کی تاہم سیکیورٹی گارڈز نے حملہ آور خاتون کو گرفتار کرکے پستول برآمد کرلیا۔

عالمی خبر رساں ادارے کے مطابق انڈونیشیا میں برقع پوش خاتون نے صدارتی محل میں داخل ہونے کی کوشش کی۔ خاتون نے تلاشی دینے سے بھی انکار کیا اور سیکیورٹی گارڈز کے روکنے پر پستول نکال لی۔

خاتون نے سیکیورٹی گارڈز کی طرف پستول تانی جس پر دوسرے گارڈز نے خاتون کو پکڑ لیا اور اسلحہ تحویل میں لے لیا۔ خاتون کو محل کی سیکیورٹی انچارج کے حوالے کردیا۔

Skenario kata mereka yang Pro teroris pic.twitter.com/OIbgTpsMyz

— Lawan Oligarki!! (@NalarPolitik_) October 25, 2022

خاتون سے پوچھ گچھ کا عمل جاری ہے تاہم خاتون کے محل میں داخل ہونے کی کوشش کی وجہ کا تعین نہیں ہوسکا اور نہ یہ معلوم ہوسکا کہ خاتون کی نیت کیا تھی۔

مسلح خاتون کی عمر 20 سال بتائی جارہی ہے تاہم نام اور دیگر تفصیلات ظاہر نہیں کی گئی۔

واضح رہے کہ گزشتہ برس 31 مارچ کو برقع پوش خاتون نے نیشنل پولیس ہیڈ کوارٹر پر حملہ کیا تھا جسے اہلکاروں نے گولی مار کر ہلاک کردیا تھا۔