کراچی میں بس کا سی این جی سلنڈر پھٹنے سے ایک شخص جاں بحق 5 زخمی

حادثے میں زخمی ہونے والوں کو طبی امداد کیلئے عباسی شہید اسپتال منتقل کردیا گیا ہے۔فوٹو:ایکسپریس نیوز

---

سائٹ کے علاقے میں بس کا سی این جی سلنڈر پھٹنے کے نتیجے میں ایک شخص جاں بحق جبکہ 5 زخمی ہوگئے۔

ایکسپریس نیوز کے مطابق کراچی کے علاقے سائٹ میں سی این جی اسٹیشن پر بس میں گیس بھری جارہی تھی کہ اسی دوران اس میں لگا سلنڈر زور دار دھماکے سے پھٹ گیا جس کے نتیجے میں بس میں سوار ایک شخص جاں بحق جبکہ 5 زخمی ہوگئے،حادثے میں زخمی ہونے والوں کو طبی امداد کیلئے عباسی شہید اسپتال منتقل کردیا گیا ہے۔

واضح رہے مسافر بسوں میں غیر معیاری سی این جی سلنڈرز کے باعث اکثر ایسے واقعات رونما ہوتے ہیں جن میں اب تک کئی افراد جان سے ہاتھ دھو بیٹھے ہیں۔