ٹی20 ورلڈکپ انگلینڈ اور آسٹریلیا کا میچ بھی بارش کی وجہ سے نہ ہوسکا

پوائٹنس ٹیبل پر نیوزی لینڈ کی پہلی انگلینڈ کی دوسری پوزیشن

ویب ڈیسک October 28, 2022

پوائٹنس ٹیبل پر نیوزی لینڈ کی پہلی انگلینڈ کی دوسری پوزیشن (فوٹو: ٹوئٹر)

انگلینڈ اور آسٹریلیا کے مابین کھیلا جانے والا ٹی20 ورلڈکپ میں سپر 12 مرحلے کا ایک اور اہم میچ بارش کی نذر ہوگیا۔

میلبرن کرکٹ گراؤنڈ میں شیڈول دونوں ٹیموں کے درمیان اہم میچ کا ٹاس بھی نہ ہوسکا، بارش کے باعث گراؤنڈ کے کئی مقامات پانی کی وجہ سے نرم پڑگئے تو امپائرز نہ میچ منسوخ کرنے کا اعلان کیا۔

انگلینڈ اور آسٹریلیا کے مابین میچ نہ ہونے کے باعث دونوں ٹیموں کو ایک ایک پوائنٹ دے دیا گیا ہے، جس کے ساتھ گروپ اے کی صورتحال مزید دلچسپ ہوگئی ہے۔

مزید پڑھیں: ٹی20 ورلڈکپ؛ افغانستان کا دوسرا میچ بھی بارش کی نذر ہوگیا

گروپ اے میں نیوزی لینڈ، انگلینڈ، آئرلینڈ، آسٹریلیا 3، 3 پوائنٹس کے ساتھ بالترتیب پہلی، دوسری، تیسری اور چوتھی پوزیشن پر قابض ہیں جبکہ سری لنکا اور افغانستان کے 2،2 پوائںٹس کے ساتھ پانچویں اور چھٹے نمبر پر موجود ہیں۔

قبل ازیں ٹی20 ورلڈکپ میں آج ہونے والا آئرلینڈ اور افغانستان کا مقابلہ بھی بارش کی نذر ہوگیا تھا، ورلڈکپ میں گروپ اے کا یہ تیسرا مقابلہ ہے جو بارش کے باعث منسوخ کرنا پڑا۔