جن مذاکرات کا پی ٹی آئی راگ الاپ رہی ہے ان کا کوئی امکان نہیں وزیر دفاع

الیکشن انشاءاللہ آئینی وقت پہ ھونگے. سیاسی قوتوں کا قومی مسائل پہ مزاکرات اوراتفاق راۓ جمہوری مزاج کا حصہ ھے.جن مزاکرات کا PTI راگ الاپ رہی ھےانکاکوئی امکان نہیں.عمران خان سارے شوق پورے کر لیں. اسوقت بھارتی میڈیا انکو بھرپور سر پرستی اور air time دے رہا ھے اسکو انجوائے کریں.

سماجی رابطے کی ویب سائٹ ٹوئٹر پر جاری بیان میں خواجہ آصف نے کہا کہ الیکشن ان شا اللہ آئینی وقت پر ہوں گے۔ انہوں نے کہا کہ سیاسی قوتوں کا قومی مسائل پر مذاکرات اور اتفاق رائے جمہوری مزاج کا حصہ ہے۔

تحریک انصاف کے لانگ مارچ پر تنقید کرتے ہوئے وزیر دفاع نے کہا کہ عمران خان سارے شوق پورے کرلیں، اس وقت بھارتی میڈیا ان کو بھرپور سرپرستی اور ائرٹائم دے رہا ہے، اس کو انجوائے کریں۔ پی ٹی آئی اور حکومت کے مابین بات چیت سے متعلق انہوں نے کہا کہ جن مذاکرات کا پی ٹی آئی راگ الاپ رہی ہے، ان کا کوئی امکان نہیں۔

قبل ازیں انہوں نے اپنے ایک دوسرے ٹوئٹ میں کہا تھا کہ عمران خان اقتدار کی ہوس میں اس مقام پہ پہنچ چکا ہے جہاں وطن کی محبت،شہدا کے خون کا تقدس اور رشتوں کا احترام کوئی حیثیت نہیں رکھتے۔اس کے لیے اول آخر اس کی ذات ہے۔ اس کی زبان پاکستان دشمنی کی زبان، اپنے ورکروں کی تربیت کی بنیاد نفرت اور تقسیم ہے۔ اقتدار کی محرومی اسے وطن دشمنی پر لے آئی ہے۔