سابق چیف جسٹس بلوچستان ہائی کورٹ کے قتل کا ملزم گرفتار

جسٹس (ر) نور محمد مسکان زئی کے قتل کے احکامات ایران میں موجود تنظیم کے کمانڈر نے دیئے تھے

ویب ڈیسک October 29, 2022

قتل کی ذمہ داری کالعدم بی ایل اے نے قبول کی تھی، دہشت گرد نے اعتراف کیا ہے کہ اسے ہمسایہ ملک ایران سے اس قتل کے احکامات ملے تھے (فوٹو : سوشل میڈیا)

بلوچستان ہائی کورٹ کے سابق چیف جسٹس نور محمد مسکان زئی کے قتل میں ملوث ملزم کو گرفتار کرلیا گیا، قتل کےاحکامات ایران میں موجود تنظیم کے کمانڈر نے دیئے تھے۔

ڈی آئی جی سی ٹی ڈی اعتزاز گورایہ نے پریس کانفرنس کرتے ہوئے کہا کہ سابق چیف جسٹس بلوچستان ہائی کورٹ نورمحمد مسکانزئی کو شہید کرنے والے دہشت گرد کو گرفتار کرلیا گیا ہے، ملزم کا نام شفقت اللہ ہے جس نے بلوچستان کے علاقے خاران میں چیف جسٹس کو شہید کیا۔

ڈی آئی جی سی ٹی ڈی نے کہا کہ سابق چیف جسٹس کے قتل کے بعد اعلیٰ سطح جوڈیشل کمیشن بھی بنایا گیا، تحقیقات کے بعد دہشت گرد کو گرفتار کیا گیا ہے جس نے سابق چیف جسٹس کے قتل کا اعتراف کرلیا ہے، قتل کی ذمہ داری کالعدم بی ایل اے نے قبول کی تھی، دہشت گرد نے اعتراف کیا ہے کہ اسے ہمسایہ ملک ایران سے اس قتل کے احکامات ملے تھے۔

ctd baluchistan

اعتزاز گورایہ نے مزید کہا کہ دوران تفتیش ملزم نے مزید دہشت گردانہ کارروائیوں کا بھی اعتراف کیا ہے، جس سے مزید تفتیش جاری ہے۔

ctd baluchistan noor muhammad maskan zai

ctd baluchistan noor muhammad maskan zai

وزیر اعلی بلوچستان میر عبدالقدوس بزنجو نے کامیاب کارروائی پر سی ٹی ڈی کو خراج تحسین پیش کیا ہے اور کہا ہے کہ دہشت گردی کے خاتمے کے لیے سی ٹی ڈی اور دیگر سیکیورٹی اداروں کی کارکردگی قابل تعریف ہے۔