وکٹ کیپر نے کیا غلطی کی کہ امپائرز نے نوبال قرار دیا جانیے

بنگلہ دیش نے زمبابوے کو 3 رنز سے شکست دی تھی

ویب ڈیسک October 30, 2022

بنگلہ دیش نے زمبابوے کو 3 رنز سے شکست دی تھی (فوٹو: ٹوئٹر)

زمبابوے اور بنگلہ دیش کے درمیان میچ میں آخری کو وکٹ کیپر نور الحسن کی غلطی کے باعث نوبال قرار دیا گیا۔

آئی سی سی نے اپنی جاری کردہ پریس ریلیز میں کہا ہے کہ وکٹ کیپر نور الحسن نے مصدق حسین کے اوور کی آخری گیند پر بلیسنگ مزاربانی کو گیند اسٹمپ کے پاس سے گزرنے سے پہلے پکڑ لیا تھا اور جوش میں آکر بیلز کو اُڑا دیا تھا جس کے باعث امپائرز نے نوبال قرار دی۔

آئی سی سی کے قانون 39.3.1 میں لکھا ہے کہ اگر گیند کو ڈیلیور کردیا گیا ہے اور وکٹ کیپر بال اسٹمپ سے پہلے پکڑے گا تو نوبال قرار دی جائے گی، جس کے باعث امپائرز نے دونوں ٹیموں کو دوبارہ میدان میں بلایا اور گیند کروائی گئی۔

مزید پڑھیں: ٹی20 ورلڈکپ؛ بنگلہ دیش نے زمبابوے کو ہرادیا

امپائر کی جانب سے نو بال قرار دیئے جانے کے بعد زمبابوے کو آخری بال پر 4 رنز درکار تھے تاہم وہ فری ہٹ کا فائدہ اٹھانے میں ناکام رہے اور بنگلہ دیش نے میچ 3 رنز سے جیت لیا۔