چئیرمین سینیٹ نے یوسف رضا گیلانی نااہلی ریفرنس مسترد کردیا

پی ٹی آئی کے سینیٹر اعظم سواتی نے یوسف رضا گیلانی کیخلاف ریفرنس دائر کیا تھا:فوٹو:فائل

---

چیئرمین سینیٹ صادق سنجرانی نے سینیٹر یوسف رضا گیلانی کی نااہلی کا ریفرنس مسترد کردیا۔

چئیرمین سینیٹ صادق سنجرانی نے سینیٹر یوسف رضا گیلانی کی نااہلی کے ریفرنس پر رولنگ دیتے ہوئے کہا کہ یوسف رضا گیلانی پر بطور قومی اسمبلی رکن اور وزیراعظم الزامات تھے۔ان کے 2021 میں سینیٹر منتخب ہونے کے بعد نا اہلی ریفرنس کا جواز نہیں بنتا۔

رولنگ میں مزید کہا گیا ہے کہ یوسف رضا گیلانی کے خلاف ریفرنس پر آرٹیکل 63 اے کا اطلاق نہیں ہوتا۔ پی ٹی آئی کے سینیٹر اعظم سواتی نے یوسف رضا گیلانی پر وزارت اعظمیٰ کے دوران توشہ خانے سے قیمتی گاڑیاں دو اہم شخصیات کو دینے پر نا اہلی کا ریفرنس دائر کیا تھا۔