کراچی شوہر کے تشدد سے حاملہ خاتون جاں بحق
مقتولہ حاملہ تھی، پولیس نے نشے کے عادی ملزم شوہر کو گرفتار کرلیا
شوہر نے پیٹ پر لات ماری جو جان لیوا ثابت ہوئی (فوٹو فائل)
شہر قائد کے علاقے شاہ فیصل کالونی کی رہائشی حاملہ خاتون شوہر کے تشدد سے جاں بحق ہوگئی۔ پولیس نے ملزم کو گرفتار کر لیا۔
مقتولہ کے بھائی نے ایکسپریس سے گفتگو کرتے ہوئے بتایا کہ شاہ فیصل کالونی کی رہائشی اس کی بہن حاملہ تھی، شوہر نے پیٹ پر لات ماری جو جان لیوا ثابت ہوئی۔مقتولہ کی لاش منگل کی صبح نجی اسپتال سے جناح اسپتال منتقل کی گئی۔ 30 سالہ بشریٰ پروین 3 بچوں کی ماں تھی، جن میں 2 لڑکے اور ایک لڑکی شامل ہیں۔بچوں میں ایک 14 سالہ لڑکا ذہنی اور جسمانی طور پر معذور ہے ۔
مقتولہ کا آبائی تعلق فیصل آباد سے تھا ۔ شوہر محمد علی نشے کا عادی ہے، کچھ عرصے قبل تک فیکٹری میں ملازمت کرتا تھا، تاہم نشے کے باعث فیکٹری سے نکال دیا گیا۔ مقتولہ کے بھائی شان کے مطابق پیر کی صبح بشریٰ اور محمد علی میں کسی بات پر جھگڑا ہوا ، اس دوران محمد علی نے تشدد کرتے ہوئے اس کے پیٹ پر لات ماری، جس سے اس کی حالت بگڑ گئی۔
بعد ازاں بشریٰ کو فوری طور پر گھر کے قریب نجی کلینک لے جایا گیا جہاں لیڈی ڈاکٹر نے جان بچانے کی کوشش کی، تاہم حالت زیادہ بگڑنے پر جناح اسپتال لے جانے کا مشورہ دیا، جہاں جاتے ہوئے بشریٰ راستے ہی میں دم توڑ گئی۔جناح اسپتال پہنچنے پر ڈاکٹروں نے موت کی تصدیق کر دی۔واقعے کی اطلاع ملتے ہی پولیس موقع پر پہنچ گئی تھی اور مقتولہ کے شوہر ملزم محمد علی کو حراست میں لے لیا ۔
مقتولہ کے بھائی نے ایکسپریس سے گفتگو کرتے ہوئے بتایا کہ شاہ فیصل کالونی کی رہائشی اس کی بہن حاملہ تھی، شوہر نے پیٹ پر لات ماری جو جان لیوا ثابت ہوئی۔مقتولہ کی لاش منگل کی صبح نجی اسپتال سے جناح اسپتال منتقل کی گئی۔ 30 سالہ بشریٰ پروین 3 بچوں کی ماں تھی، جن میں 2 لڑکے اور ایک لڑکی شامل ہیں۔بچوں میں ایک 14 سالہ لڑکا ذہنی اور جسمانی طور پر معذور ہے ۔
مقتولہ کا آبائی تعلق فیصل آباد سے تھا ۔ شوہر محمد علی نشے کا عادی ہے، کچھ عرصے قبل تک فیکٹری میں ملازمت کرتا تھا، تاہم نشے کے باعث فیکٹری سے نکال دیا گیا۔ مقتولہ کے بھائی شان کے مطابق پیر کی صبح بشریٰ اور محمد علی میں کسی بات پر جھگڑا ہوا ، اس دوران محمد علی نے تشدد کرتے ہوئے اس کے پیٹ پر لات ماری، جس سے اس کی حالت بگڑ گئی۔
بعد ازاں بشریٰ کو فوری طور پر گھر کے قریب نجی کلینک لے جایا گیا جہاں لیڈی ڈاکٹر نے جان بچانے کی کوشش کی، تاہم حالت زیادہ بگڑنے پر جناح اسپتال لے جانے کا مشورہ دیا، جہاں جاتے ہوئے بشریٰ راستے ہی میں دم توڑ گئی۔جناح اسپتال پہنچنے پر ڈاکٹروں نے موت کی تصدیق کر دی۔واقعے کی اطلاع ملتے ہی پولیس موقع پر پہنچ گئی تھی اور مقتولہ کے شوہر ملزم محمد علی کو حراست میں لے لیا ۔