پی سی بی نے پاکستان اور انگلینڈ کے درمیان ٹیسٹ سیریز کے ٹکٹس فروخت کے لیے پیش کردئیے۔

پاکستان کرکٹ بورڈ کے مطابق کل سے آن لائن ٹکٹس بکنگ کے لیے دستیاب ہوں گے، مہنگا ترین ٹکٹ پانچ سو روپے اور سستا ترین ٹکٹ اڑھائی سو روپے کا رکھا گیا ہے۔

واضح رہے کہ انگلینڈ کی ٹیم کی 25 نومبر کو پاکستان آمد شیڈول ہے، پہلا ٹیسٹ یکم دسمبر سے راولپنڈی میں شروع ہوگا، دوسرے ٹیسٹ کی میزبانی شہر ملتان 9 دسمبر سے کرے گا جب کہ تیسرا اور آخری ٹیسٹ 17 دسمبر سے نیشنل اسٹیڈیم کراچی میں کھیلا جائے گا۔