لانگ مارچ کی ڈیوٹی پر تعینات اہلکاروں کے ساتھ ناروا سلوک

پنجاب پولیس کی جانب سے پی ٹی آئی کے لانگ مارچ کی ڈیوٹی پر تعینات ہونے والے اہلکاروں کے ساتھ افسوسناک سلوک کا انکشاف ہوا ہے۔

ایکسپریس نیوز کے مطابق پنجاب پولیس کی جانب سے 600 جوانوں کو جانوروں کی طرح بس میں لاد کر پنڈی پہنچایا جا رہا ہے۔ 400کلو میٹر کا سفر اہلکاروں کو پولیس وین میں سیٹوں کے بغیر کرنے پر مجبور ہیں۔


پولیس وین میں سوار اہلکار فرش پر یا کھڑے ہوکر پنڈی تک کا سفر کرنے پر مجبور ہیں، 600 پنجاب کانسٹیبلری کے جوانوں کو پنڈی پہنچانے کے لئے صرف سات بسوں کا انتظام کیا گیا ہے۔

ذرائع کے مطابق 50 سیٹوں والی پولیس وین میں 65 پولیس کے جوانوں کو بٹھا کر پنڈی لے جایا جارہا ہے، اس کے علاوہ اہلکاروں کو قیدیوں کی گاڑی میں بھی ڈیوٹی کے لیے راولپنڈی پہنچایا جارہا ہے۔

ذرائع کے مطابق فاروق آباد پنجاب کانسٹیبلری ہیڈ کوارٹر میں 15روز سے جاری اینٹی رائیڈ فورس کے جوانوں کو کورس روک کر پنڈی پہنچنے کے احاکامات جاری کردیے گئے ہیں۔